Nu ta konta ku tudu Cabo Verdianos i nos só, ki gosta di futebol i ki ta apoia mudansa sosial na mundu interu
Boa Tarde Pessoal,
Dipós di Delta Cultura ser convidado a participa na kel grande festival di streetfootballworld na Lyon (França) ki ta komesa a 28 di Junho ti 07 di Julho de 2016, i sen verbas pa podi paga passagi a kel comitiva di 6 pessoas ki ta bai representa Cabo Verde na kel festival através di kel único delegason di Cabo Verde, nu kria un projeto di crowdfunding, ki significa "Financiamento Colectivo" ou na nós kriolu purru, "Djunta Mó" pa nu odja si nu ta bai representa Cabo Verde cu dignidadi la fora.
Nu ta gostaba di relembra a tudu alguén ki kel festival é ka un spetáculu di musika ou na otu sentidu sima nu podi ntendi mas sin ê un eventu ki ta djunta 80 organizasons na mundu interu di más di 50 pais ki ta uza futibol pa alkansa "Mudansa Sosial" na mundu interu.
Duranti kel festival ta bai kontisi 3 grandi kuza inportanti.
1. Runion ku tudu kes membru di kel redi ki txoma streetfootballworld.
2. Un grandi torneio di futibol3 (futibol3 ê un forma di djuga futibol tal i kual a kelotus más sô ke ta txomadu di futibol3 pamodi êl ê jugadu na 3 parti, 1º kel 2 ekipa ta xinta ta difini regras di jogu, 2º ta jugadu i 3º ta torna xintadu pa odja si kes regras funsiona i pa da pontu a kada un di kes timi" pa más detalhis sobre futibol3 kel ki kre entra en kontaktu ku ou ku kualker mininu ki ta fazi parti di centro Delta Cultura pa ten más informason.
3. Un grandi intercambio cultural entri tudu kes organizasons ki ta sta presente na festival (intercambio ta passa pa interason entri kes partisipantis, aprizentason cultural di cada pais i mutu más).
Nton, na kel ladu li, nu kria un projetu di crowdfunding pa nu odja si nu ta konsigui kontribuison di 5000 Euro ki ta djudanu kumpra kes 6 passagi di avion PRAIA/LYON/PRAIA.
Kel video ki sta di baxu li ê un video ki sta tanbê na kel plataforma ki sta djudanu ranja kel dinheru li, kel projetu ta komesa ta recebi dinheru a partir di dia 1 di Março i ta bai ti 29 di Abril.
Nu ta konta ku tudu Cabo Verdianos i nos só, ki gosta di futebol i ki ta apoia mudansa sosial na mundu interu, ki djudanu partilha es video más tanbê ki kontribui pa ki nu podi konsigui alkansa kel 5000 Euros antis di prazu finda, inda pa fla ma kontribuison ta ser fetu diretamenti pa internet (ta gastou so 1 i nu máximo 2 minuto pa fazi kela) ku bu carton di banco ki bu ten, kenha ki da si kontribuison i ki na fin di kel prazu kê dia 29 di Abril Delta ka konsigui kel 5000 Euros si dinheru ke da ta torna voltadu na si konta (sikré 1 euro) mas tanbé si kel dinheru bai ti 4999 euros i ki sta falta 1 euros nu ka ta dadu kel dinheru nada i ta torna voltadu nhós dinheru na nós konta.
Kontribuison ta ben ser fetu na kel página di internet di kel plataforma kê: http://ppl.com.pt/pt/prj/representar-cabo-verde
undi ki nes moemntu ka sta ativo más logo dia 1 di Março ê ta sta.
Pa informa tanbe ma kontribuison ou ma bu apoio ta bai desdi 5 Euro a 300 Euro i ten claro rikompensas pa kenha ki kontribui a manda Cabo Verde pa França pa kel festival.
Si ten alguén ki kre contribui di otu forma ê so entra en contaktu ku delta ou na kualker página di delta na facebook, instagram, ou más ki nu ta djobi forma di recebi nhós kontribuison.
Obrigadu di antimon a tudu alguén ki nu kre ki djudanu a partilha es informason, mas tanbê ki ta podi kontribui pa es projetu.
Por: Samir Furtado
Dipós di Delta Cultura ser convidado a participa na kel grande festival di streetfootballworld na Lyon (França) ki ta komesa a 28 di Junho ti 07 di Julho de 2016, i sen verbas pa podi paga passagi a kel comitiva di 6 pessoas ki ta bai representa Cabo Verde na kel festival através di kel único delegason di Cabo Verde, nu kria un projeto di crowdfunding, ki significa "Financiamento Colectivo" ou na nós kriolu purru, "Djunta Mó" pa nu odja si nu ta bai representa Cabo Verde cu dignidadi la fora.
Nu ta gostaba di relembra a tudu alguén ki kel festival é ka un spetáculu di musika ou na otu sentidu sima nu podi ntendi mas sin ê un eventu ki ta djunta 80 organizasons na mundu interu di más di 50 pais ki ta uza futibol pa alkansa "Mudansa Sosial" na mundu interu.
Duranti kel festival ta bai kontisi 3 grandi kuza inportanti.
1. Runion ku tudu kes membru di kel redi ki txoma streetfootballworld.
2. Un grandi torneio di futibol3 (futibol3 ê un forma di djuga futibol tal i kual a kelotus más sô ke ta txomadu di futibol3 pamodi êl ê jugadu na 3 parti, 1º kel 2 ekipa ta xinta ta difini regras di jogu, 2º ta jugadu i 3º ta torna xintadu pa odja si kes regras funsiona i pa da pontu a kada un di kes timi" pa más detalhis sobre futibol3 kel ki kre entra en kontaktu ku ou ku kualker mininu ki ta fazi parti di centro Delta Cultura pa ten más informason.
3. Un grandi intercambio cultural entri tudu kes organizasons ki ta sta presente na festival (intercambio ta passa pa interason entri kes partisipantis, aprizentason cultural di cada pais i mutu más).
Nton, na kel ladu li, nu kria un projetu di crowdfunding pa nu odja si nu ta konsigui kontribuison di 5000 Euro ki ta djudanu kumpra kes 6 passagi di avion PRAIA/LYON/PRAIA.
Kel video ki sta di baxu li ê un video ki sta tanbê na kel plataforma ki sta djudanu ranja kel dinheru li, kel projetu ta komesa ta recebi dinheru a partir di dia 1 di Março i ta bai ti 29 di Abril.
Nu ta konta ku tudu Cabo Verdianos i nos só, ki gosta di futebol i ki ta apoia mudansa sosial na mundu interu, ki djudanu partilha es video más tanbê ki kontribui pa ki nu podi konsigui alkansa kel 5000 Euros antis di prazu finda, inda pa fla ma kontribuison ta ser fetu diretamenti pa internet (ta gastou so 1 i nu máximo 2 minuto pa fazi kela) ku bu carton di banco ki bu ten, kenha ki da si kontribuison i ki na fin di kel prazu kê dia 29 di Abril Delta ka konsigui kel 5000 Euros si dinheru ke da ta torna voltadu na si konta (sikré 1 euro) mas tanbé si kel dinheru bai ti 4999 euros i ki sta falta 1 euros nu ka ta dadu kel dinheru nada i ta torna voltadu nhós dinheru na nós konta.
Kontribuison ta ben ser fetu na kel página di internet di kel plataforma kê: http://ppl.com.pt/pt/prj/representar-cabo-verde
undi ki nes moemntu ka sta ativo más logo dia 1 di Março ê ta sta.
Pa informa tanbe ma kontribuison ou ma bu apoio ta bai desdi 5 Euro a 300 Euro i ten claro rikompensas pa kenha ki kontribui a manda Cabo Verde pa França pa kel festival.
Si ten alguén ki kre contribui di otu forma ê so entra en contaktu ku delta ou na kualker página di delta na facebook, instagram, ou más ki nu ta djobi forma di recebi nhós kontribuison.
Obrigadu di antimon a tudu alguén ki nu kre ki djudanu a partilha es informason, mas tanbê ki ta podi kontribui pa es projetu.
Por: Samir Furtado
COMMENTS