Na fazi as presas ki podi bem kel Gravidez indesejada...

Sera Metodo k alguns pais ta usa sta kuretu? nhos atxa ma debi tem mas dialogo e menus castigos?

''Oi dypk, primero nkria agradeceba pa es pagina .... nkre publica um kuza mas nkria fikaba anonima. Ultimamenti ntem obido txeu kasos de gravidez precoce e abortu provocadu ,é um kuza k dja ixisti a txeu tempu nsabi ma kes noticias li sta atingim pmd é pessoas kim konxi i kim konvivi kues durante munti tempu ...

ami particularmenti nta atxa ma um de kes kausas de gravidez nes idade li é proprio edukason de certos pais, pais txeu bes ta eduka ses fidju de mesmo manera k ses antepassados edukas, ntom es sta insisti num edukason antigu es ka sta odja ma mundo dja troka goki tecnologia sta mas avansado, por exemplo um pai ka ta dexa se filha sai pa bai pa festa ou otu lugar se filha podi ate ka bai mas é podi komesa um relason na internet i horas k tiver oportunidadi de encontra kel pessoa so es ta fazi o kes tem de fazi e as vezes na kes fazi as presas k podi bem kel gravidez indesejada, nka sta fla ma mininas ou mininus debi bai undi kes kre sem kontrolu, tudo alguem tem k tem ses limites mas pmd ku ka ta dexal sai? dexal sai i pol um horario pe txiga kasa se ka kumpri otu dia ko dexa, pmd um dia bu fidju ta kria ou é podi sai pa kurso fora dai é ta fazi tudo kel kel ka tive oportunidadi de fazi na kel tempo certu ai pa mi es ta dura k ser maduru.

i outra koisa nu konbersa ku nos fidjus sobre kuzas de vida ou sexo nsabi tem mai i pai k tem vergonha fazi kela mas nta prefiri mil bes pes sabi pa mi do k alguem na rua k podi flas de kualker manera, maioria de minis k sta fazi aborto es ta bai pidi ajuda na alguem de rua k es ta txoma de amiga, mas tardi kel proprio amiga podi bem usa isso komu arma pa atingis psicologicamenti pmd hoji kes mininas podi fika feliz ah djam livra de kel problema e tal, mas tardi es podi bem rapendi ou kumesa ta xinti mal ku es ideia so o fatu de alguem toka na kel assuntu li djes xinte mal ou si posta na facebook es ta fika triste ntom ta kaba pa ser um problema psicologico i ta kumpanhou t fim de bu vida.

Nkria perguntaba nhos kuze k nhos atxa sobre edukason na cabo verde? Metodo k alguns pais ta usa sta kuretu? nhos atxa ma debi tem mas dialogo e menus castigos?'' fonte: dypk

comenta sobre isso....