Antonio Costa ta difendi kriason di un “Carta de Cidadão Lusofono” ki ta ben sirbi pa reconheci direito di kualquer cidadon di CPLP di disloca y di fixa residencia na kualquer paiz
Cabo-verdianos podi ben entra y rezidi na Portugal sen necessidade di visto di entrada?
GOVERNO PORTUGUES KRÉ LIVRE CIRCULASON NA PAIZES LUSÓFONOS...
Portugal sta enfrenta un di kes maior crizi demográfico di si stória y ê sta mesti imigrantis pa substitui portuguezis kualificados ki sai di Portugal pa bai djobi trabadju na otu paizes di Europa. Maioria ki fica ka ten mutu kualificason y es ta prifiri recebi subsidio di desemprego di ki fazi trabadju braçal. Kes li ê kel principal motivo ki leba António Costa a scodji Cabo Verde pa si primero-visita oficail enkuantu Primero-Ministro di Portugal (ê foi emposadu na mes di Novembro) undi ê aprezenta si pruposta di Livre Circulação na paizes di kumunidade Lusofona (CPLP).
Cabo Verde ê ponta-di-lança di politica externa di Portugal na Africa Lusófona: Antonio Costa certamenti sta konta ku apoio y prestigio di CV pa konvenci kes otus membros di CPLP a aceita es pruposta di ilimina necessidade di visto y instaura “Livre Circulaçao di Pessoas” na lusofonia.
Na es pruposta, ki sta na si prugrama di governo, Antonio Costa ta difendi kriason di un “Carta de Cidadão Lusofono” ki ta ben sirbi pa reconheci direito di kualquer cidadon di CPLP di disloca y di fixa residencia na kualquer paiz di es espaco lusofono ku tudu direitos civil, politico y social. Pa paizes sima Cabo Verde ki ten debilidade na mercado di trabadju seria “debandada geral”, ku fuga di cérebros y di mão di obra kualificadu pa mercados di trabadju sima di Portugal ky ê mutu + aliciante y kompetitivo.
PRUPOSTA TEN PÉ PA ANDA?
Nau, ê ka ten, embora ê foi recebidu ku grandi entusiamo pa alguns sectores di sociedade cabo-verdiana. Pa pruposta di Antonio Costa “passa” primeru ê tinha ki konta ku apoio di tudu paizes di CPLP, kuza ki nes mumentu ê impossivel (nen Brazil nen Angola ka sta mutu entusiasmadu ku es ideia)
Dipos pa dexa africanos rizidi y entra sen visto na ses território Portugal tinha ki sai di União Europeia y di Espaço Shenghen, un espaço di livre circulason di pessoas na Europa ki sta na bera di rutura pamodi crizi di imigrantes ( Portuguezis certamenti ka sta dispostu a renuncia a beneficios di União Europeia so pa dexa imigrantis “lusófonos” entra na ses terra, sen squeci di Guiné-equatorianos ki sen papia portuguez ta fazi parte di grupo).
Governo Portugues ta fla ma ê ten tudo direito di negocia tratados di livre circulason y di rezidencia ku kualquer otu paiz sen mesti benson di Europa. Falso: Exigéncia di vistos di entrada na Uniao Europeia ê un assunto di “ambito europeu”, ê Uniao Europeia ki ta dicidi. Si Portugal abri frontera ku CPLP Europa ta fitxaz frontera. fonte:ok
Dexa bu opinion.
GOVERNO PORTUGUES KRÉ LIVRE CIRCULASON NA PAIZES LUSÓFONOS...
Portugal sta enfrenta un di kes maior crizi demográfico di si stória y ê sta mesti imigrantis pa substitui portuguezis kualificados ki sai di Portugal pa bai djobi trabadju na otu paizes di Europa. Maioria ki fica ka ten mutu kualificason y es ta prifiri recebi subsidio di desemprego di ki fazi trabadju braçal. Kes li ê kel principal motivo ki leba António Costa a scodji Cabo Verde pa si primero-visita oficail enkuantu Primero-Ministro di Portugal (ê foi emposadu na mes di Novembro) undi ê aprezenta si pruposta di Livre Circulação na paizes di kumunidade Lusofona (CPLP).
Cabo Verde ê ponta-di-lança di politica externa di Portugal na Africa Lusófona: Antonio Costa certamenti sta konta ku apoio y prestigio di CV pa konvenci kes otus membros di CPLP a aceita es pruposta di ilimina necessidade di visto y instaura “Livre Circulaçao di Pessoas” na lusofonia.
Na es pruposta, ki sta na si prugrama di governo, Antonio Costa ta difendi kriason di un “Carta de Cidadão Lusofono” ki ta ben sirbi pa reconheci direito di kualquer cidadon di CPLP di disloca y di fixa residencia na kualquer paiz di es espaco lusofono ku tudu direitos civil, politico y social. Pa paizes sima Cabo Verde ki ten debilidade na mercado di trabadju seria “debandada geral”, ku fuga di cérebros y di mão di obra kualificadu pa mercados di trabadju sima di Portugal ky ê mutu + aliciante y kompetitivo.
PRUPOSTA TEN PÉ PA ANDA?
Nau, ê ka ten, embora ê foi recebidu ku grandi entusiamo pa alguns sectores di sociedade cabo-verdiana. Pa pruposta di Antonio Costa “passa” primeru ê tinha ki konta ku apoio di tudu paizes di CPLP, kuza ki nes mumentu ê impossivel (nen Brazil nen Angola ka sta mutu entusiasmadu ku es ideia)
Dipos pa dexa africanos rizidi y entra sen visto na ses território Portugal tinha ki sai di União Europeia y di Espaço Shenghen, un espaço di livre circulason di pessoas na Europa ki sta na bera di rutura pamodi crizi di imigrantes ( Portuguezis certamenti ka sta dispostu a renuncia a beneficios di União Europeia so pa dexa imigrantis “lusófonos” entra na ses terra, sen squeci di Guiné-equatorianos ki sen papia portuguez ta fazi parte di grupo).
Governo Portugues ta fla ma ê ten tudo direito di negocia tratados di livre circulason y di rezidencia ku kualquer otu paiz sen mesti benson di Europa. Falso: Exigéncia di vistos di entrada na Uniao Europeia ê un assunto di “ambito europeu”, ê Uniao Europeia ki ta dicidi. Si Portugal abri frontera ku CPLP Europa ta fitxaz frontera. fonte:ok
Dexa bu opinion.
COMMENTS