Jorge Pereira, 50 ano, perdi vida depos de da entrada na HAN desmaiado e de espera kuazi 3 hora pa ser sistido pa médicos.
Jorge Nascimento Furtado Pereira, 50 ano, perdi vida na manhã des terça-feira ki passa, dia 24, na Banco de Urgências de Hospital Agostinho Neto, na cidade de Praia, depos de da entrada inkonsciente nes estabelecimento hospitalar e de espera kuazi 3 hora pa ser sistido pa médicos.
Jorge Nascimento Pereira, ki era engenhero eletrónico e funcionário de Electra, staba ta andaba a pé pa bai trabadjo num percurso ki è ta fazeba tudo dia, pa volta de 7h30, kantu ki e xinte mal frente Biblioteca Nacional e è desmaia.
De akordo ku fonte seguru de jornal Ocean press, es engenheiro foi sokorredo pa pessoas ki sa ta passaba perto de lugar e lebado desmaiado pa Banco de Urgência de HAN de Praia, undi ki e podu na um maka dentu de sala undi medikos e infermeros ta trabadja.
Segundo fonte xplika, Jorge fika la ti pa volta de 9h50 detado na maka sem num atendimento, pamodi pessoal staba okupado ku otus pacientes, pois es kontinua ta sigue atendimento pa orde ki fazedo ficha.
Inda de akordo ku fonte, kantu ki sa ta faltaba pokus minutos pa 10h inda Jorge staba desmaiado, enton kantu ekipa medika rezolve reagi e djobi paciente dje morreba, devido kel paragem cardiako ke teve.
Familiares de vítima, só fika ta sabe de ataki de Jorge dipos de recebi noticia kè morri, keli dipos de 10h, es fika sem ntendi kuze ki lebal a morri, sabendo ki è sai de kaza de cedo aparentemente bem disposto.
De acordo ku Felisberto Moreno, primo de vítima, Jorge ta sofreba ku problemas de tensom alto e na ultimos dias è sa ta baba alguns sessom de fisioterapia, pamodi è sa ta xintiba um dor na ombro.
Ocean Press contakta, pa e-mail, diresom de hospital Agostinho Neto pa certifika factos ki kontice dento de Serviço de Urgência, ki impide atendimento imediato de paciente, ki podia evitaba se morte.
Diretora responsavel pa clínica de Hospital Agostinho Neto, fla ma ka pode afirmadu ma doente morre devido a problema de korason (patologia cardíaca) porque, segundo informason ki es teni, es sinhor ka tinha nada ki ta indika me ta sofreba problema de korason.
Diretora Maria do Céu Teixeira inda fla ma, na Banco de Urgência foi konstatadu na paciente um paragem cardio-respiratória, e ma è foi reanimado durante mas de 30 minutu, sem sucesso, enton ma declarado óbito”.
Es diretora ka komenta nada si houve ou nou atraso na atendimento. fonte:OceanPress, tradu. por:dypk
COMMENTS