Ideia alem di zela pa paz, e uniom entre bairros, e grupos rival, ta bem trabadja pa trazi kel uniom ki sta sperado na Rap Praia
N’nasci na praia, 25 de Julho de 1992, n’frequenta skola primaria de S.O.S, na fazenda, undi kim ta moraba ti ano di 2002. Dipos n’muda pa len catxor, na praia, e nove mês dipos, n’muda pa Bairro Craveiro Lopes, undi kim ta residi ti hj…
Mi eh fidjo di Maria Alice Dos reis Semedo, mas conxedo pa Niche, e di Minezio Correia Silva, mas conxedo pa toco. Ntem 7 irmons, tudo di sexo masculino.
N’frequenta liceu cónego jacinto, na varzea, undi nbai pa área di humanística. E hoje mi eh licenciado na Ciencias da Educaçao, na unicv.
Nha percursso na rap cumexaz desde 2008, nkumexa ta skrevi nhas primeiros letras, k era carta di amor pa um colega di meu.
Primeiramente nfoi txeu influenciado pa Boss Ac, e gabriel pensador.
Nbem forma um grupo kim da nome d Social Rappers na 2009, mi ku Lidow, e nu grava apenas um musica, pmd eh kaba pa emigra pa suiça. Na mesmo ano tmb nperdi nha pai. E na 2010, nkaba pa djunta ku Marco, k era nha colega di turma, nome d grupo continua, nu grava 5 musica na BustaKilla pro, e nos parceria kaba pa termina 2012, dipos nbem conxi J.P ki nu grava alguns musicas, e um tinha um mixtape ta trabadjaba, k era Rimas e Poesias, so ki nunca txiga d sai.
Nkaba pa bem grava kel musica ki kumexa ta abrim porta pa Rap, Realidade di um Pretu, nbem graval na Lil Mario Studio, e nha primero vídeo foi di kel musica la tmb.
Nbem conxi G Angel, ki bem trabadja kumi na produxom d Passo A Passo, nha primero mixtape, kim lanxal na 2014, Juntamenti ku mas 2 videos.
Goci, nsa prepara nha próximo mixtape, ki ta bem conta ku 13 faixas, e mas di 18 rappers (13 na um faixa) , 6 beatmakers, e stilos variados, desde Jazz Hip Hop, A capela, love songs, Gangsta Rap, Acustico music, trap music. Ku temas sima, Nkre ser, Carta Pa Sogra, Enfim Sem Fim, Sorriso Abafado. Mixtape ta bem tem nome di Hemorraria Interna.
Trabadjo ta bem tem 13 Faixa: 1.Intro; 2.Hemorragia interna; 3.Nkre ser; 4.Enfim sem fim; 5.Carta pa sogra; 6.Sim pudesse (acustic verson); 7.Últimos palavras; 8.Perdom; 9.Luzez; 10.Nu trazi; 11.Aldo dmi; 12.Guetto colorido; 13.Ré-Uniom.
Ta bem conta ku instrumentals di:
G-angel beatz, Bandida Beats, Kent Frio, Lil Mario Beats, Dj king, Jazz Liberatorz, Fat John.
E participaxom de: Diccy, Castro, Veiga Namt, Edyong, Bruno Vendetta, Kenny Rc, Mc K, Sanny, Dessy.
E algo interessante eh ki na ultimo trac, sa bem tem 13 rappers d 13 bairros diferente di cidade da praia ta Rap pa uniom, pa Ré-Uniom: 1.Bairro- Yax; 2.Varzea- J.p; 3.Terra Branca- N22; 4.Tratxa – Mc ngunda; 5.Txada- Ritxas Kursha; 6.Palmarejo- Buddha; 7.Fazenda- IG; 8.São Filipe- Cesf; 9.Zona ponta- Helio Batalha; 10.Calbicera-Saluh; 11.Cokero- S.O.S; 12.Paiol- Jay-c Kingston; 13.Castelom- Lil Mario
Ideia alem di zela pa paz, e uniom entre bairros, e grupos rival, ta bem trabadja pa trazi kel uniom ki sta sperado na Rap Praia, alem d troca d experiancia. Como voz di cada um di nos k asta muto ouvido, nu ta djunta 13 na um musica so. E alem d 13 rappers, eh 13 bairros.
Ta bem tem um vídeo clip, que sta bem mobiliza jovens di tudo kez bairro, e na fim fazi um grandi manifestaxom.
Obi musica "nkre ser"
dexa comentario y partilha
COMMENTS