USA: Flavia Montrond foi atropelada pa 2 carro es dia domingo na Brockton

Flavia Montrond, 16 anu, sta internadu na hospital di Boston ku traumatismo kraniano dipos di ê sufri un duplo acidente di carro

Ê foi atropelada pa 2 carro es dia domingo na Brockton
FLAVIA MONTROND TA SOBREVIVE...
Kel li ê pelo menos expetativa di médicos ki sta cuida d’el, segundo declarason di policia di Brockton. Es ka da + ninhun informason sobre estado di saude di es “CV girl”, so es fla ma sta speradu ma ê ta sobrivive.
Flavia Montrond, 16 anu, sta internadu na hospital di Boston ku traumatismo kraniano dipos di ê sufri un duplo acidente di carro es dia domingo di tarde na cidade di Brockton. Dipos di noticia publicadu es segunda-fera na Onda Kriolu cabo-verdianos na mundo intero forma un correnti di solidariedade pa ku es joven studante ki na cama di hospital sta luta pa manti ku vida.

KONDUTORES KA TEVI CULPA...
Pamodi di facto es ka odja Flavia a tempu . Kel li ê opinion di policia di Brockton ki fla ma provavelmenti ka ta fazedu ninhun quexa kontra kondutoris di es 2 automovel .
Di acordo ku policia rua staba escurro y sta txobeba kuandu un carro pára pa dexa Flavia passa. Flavia, ki staba acompanhadu di un criança di 9 anu, foi enton atropeladas, es tudo 2, pa un carro ki sta circulaba na otu faixa. Flavia foi enton ki un segundo carro bati na el kunado e staba detadu na txon. Segundo policia kuando kondutor odjal dja era tardi. Flavia lebadu hospital ku sérios ferimentos enkuantu mininha di 9 anu sai ku algun ferimentos sen gravidade. fonte:ondakriola