Kriola mais sexy di Dakar sta na Cabo Verde?

dipos di Dubai, Paris y Dakar, Karina Tavares aparentimenti “fixa rezidéncia “ na Cabo Verde.

Kriola + sexy di Dakar sta na Cabo Verde?
KARINA TAVARES: ANTIGA DAMA DI KOMPANHIA DI MUAMMAR KHADAFI
“Na txeu di si posts na rede social Karina Tavares ta gaba di ka ser senegaléza. Finalmenti ê volta pa si terra. Nu ta agradeci pamodi stilu di vida ki ê kreba impoi staba longi di ser kel stilo di vida ki nu konxi (na Senegal). Di facto ê un festera amplamenti conxidu na jet set pa si fofocas y fotos nú, cuza ki ta bai kontra cultura di Senegal. Nu ta desejal bon kontinuason na Cabo Verde”.
Kel li ê noticia ki sai na revista VIP PEOPLE di Senegal, ê foi konfirmadu pa txeu otus jornal ki ta sigui passos di es vuluptuoza kriola ki es fla ma kria “incendia” Dakar ku “maus kustume y mau exemplo pa juventude”.

Atacadu na televizon y na revistas, Karina simplismenti dizapareci di cena, nen fotos na facebook. Noticia ki sta circula na Dakar ê ki dama obi zun-zun ma e staba ta ser investigadu pa policia y por isso ê da milha, apezar di tudo pruteson ki ê fla ma ê tinha di pessoas altamenti colocados na alto aparelho di estado, incluindo ministros y dirigentes di Senegal.

Portantu dipos di Dubai, Paris y Dakar, Karina Tavares aparentimenti “fixa rezidéncia “ na CV. Segundo imprensa senegalez pa alen di dama di kompanhia altamenti remunerada ( ê priva ku defunto ditador Muammar Khadafi) Karina tinha també na Dakar un rede di raparigas senegalezas ki ê ta aprezentaba pa ricaços di mundo interu. So ki ê da txeu escandalos na Senegal ( ultimo foi kuando ê agridi en publico un animadora di televizon ) y kuzas komplica .

Karina Tavares, konsideradu figura + sexy di jet set senegalez, Karina portantu simplismenti “evapora”. Mas antis ê recebi di un “desconhecido” un prenda di un milhon di francos CFA na dia di si aniversario. fonte:ondakriolu