Home ki ta podu cornu kré bu ajuda... é sta entre amor y traiçon

Mi ku nha pikena dja nu ten 3 anu djuntu, nos é ka cazadu mas mi djan krel di fundu di nha kurason. Nos tudu 2 ê di Praia

Da es rapaz un konsedju
Ê FLA MA SI DAMA DJA TEN 3 ANU TA INGANAL…
Ê ka krê pa fla si nome mas mensagen ki ê dexa ê o siguinti :
“ Boa tarde Onda Kriolu, N’kria sabi si algun alguén ki dja passa pa nha situason podi dan algun ajuda pan rezolvi nha prublema di meu ku nha namorada pamodi djan tenta di tudu manera nha pikena ka ta imenda.
Situason ê siguinti:
Mi ku nha pikena dja nu ten 3 anu djuntu, nos é ka cazadu mas mi djan krel di fundu di nha kurason. Nos tudu 2 ê di Praia, nos tudu 2 nu ta trabadja y por isso dja dura ki n’sta pidil pa nu renda un caza pa nu mora djuntu pa nu podi ten un vida futuru. So ki nha pikena pa mas kin insisti sempre ê ta flan ma nau, e ta flan ma inda sta mutu cedu ou enton e ta inventa otu disculpa. Nha sperasnsa ê ki si nu moraba djuntu cuzas podia muda.

Prublema ê ki el ê ta involvi ku txeu alguen, primeru foi ku un nha amigo ki nu ta trataba sima irmon, foi logu na principio. Ê juran ma nunka maz ê ka ta n’ganaba mi mas di facto cazu ripiti kantu bes ti ku si colegas di trabadju.

Nu ta briga mas na fin sempri ê ta engodan ê ta pidin perdon é ta tchora ê ta flan ma ê ultimo bes. N’ka sabi kual ki ê si prublema, sempri un tenta entendi si ladu mas kada dia sta bira pior, ora ê ta parci ku un ropa nobu so bunitu, movel é kada dia un so di kes maz caru y na si tiracolo dinheru ka ta falta, propi maz di ki mi ki ta ganha maz di ki el. N’ta perguntal ê ta flan sempri ma e familiaris na Portugal ki ta mandal , un flal forti familiaris.

Djan papia kol txeu, di tudu manera, al-vez ku guerra ku tudu, djan dal konsedju mas ta entral pa un obidu ta sail pa kel otu, gossi ê ta fla un cuza manhan ê ta fazi otu. Onti por exemplo un discubri ma ê ten un otu facebook kin ka sabeba undi ê ta kontacta ku txeu amigos , ê ta sukundi txeu cuzas di mi, mi també n’sta suspeta di maz cuzas Ê por isso ki onti n’ pidil pa nu da un tempu mas ê txoran na pé i maz un bes un perdual pamodi mi na fundu mi ê dodu nel, mas tambe djan odja ma djan kumesa ta disgosta.....Ê por isso kin sta li ta pergunta si ten alguen ki dja passa pa es situason ki podia djudaba mi na encontra un soluson pa es cazu ki tenen ka ta durmi.
Obrigadu Onda Kriolu pa partilha es nha preocupason”

RESPOSTA DI ONDA KRIOLU- Di nada, mas pirmitinu so un reparo. Ta parcenu ma ê ka dama ki sta mesti ajuda, ê bo ki sta mesti ajuda. Mas primeru obi opinion di leitores. fonte:OK

comenta