França: Kriola rezidenti na Paris preocupada ku violência, mais 3 mortos na Paris

5 dia dipos di tragedia na França ki mata 130 pessoas, hoje França. mais precisamente Saint Denis, korda ku terror

Kriola rezidenti na Paris preocupada ku violencia

3 Mortos es palmanhan na un surbúbio di Paris...
Neuza Furtado, ki ta rezidi na zona di Saint Denis, manda es mensagem:
“Bom dia.
5 dia dipos di tragedia na França ki mata 130 pessoas, hoje França. mais precisamente Saint Denis, korda ku terror pamodi desde 3:30 de parmanhan ki policia esta em confrontu ku terroristas... Dja pegado 5 terrorists, 1 mudjer poi colete ku bomba y ê explodi na si apartamento, felizmente ka fazi nenhum vitima a não ser a mudjer-bombista, dja morre tambe otu 2 terroristas.
Oh Deus nhu djudano nhu protegenu, zona Saint Denis sta bloqueado y ninguem ka podi sai de casa, escola sta tudo fitchado ka tem transporte ki ta bai pa la pmd policia manda fitcha pou un kiston de seguranca enfim sta caos na zona. Deus ta djuda q tudo ta corre drtetu”

OPERASON KONKLUIDU ....
Di facto policia francez , apoiadu pa tropa sima bu sta odja na foto, invadi es madrugada di quarta-fera zona di Saint Dinis, suburbio situadu na norte di Paris. Policia aparentimenti staba trás di cidadon belga Abdelhamid Abaaoud, konsideradu cerebro di ataques di sexta-fera.
2 suspeitos foi morto kuandu policia invadi ses apartamento y sima Neuza fla um mudjer també ki era suspeita mata cabeça kuandu ê detona bombas ki ê tinha na corpo.
Policia fla ma operason sta terminadu, mas segundu informasons zona kontinua es parmanhan meio paralizadu y pessoas sta ku medu di sai na rua. Saint Denis sta situadu perto di Stade de France, undi ovi un atentado sexta-fera, la ta mora txeu imigrantis, incluindo cabo-verdianos sima Neuza Furtado.
3 policias fika feridu na es operason di hoje y pa alen di mortos 7 pessoas foi prezu. fonte:OK