Violencia na Praia: Mariza kré djuda si irmon sai di vida di dilinquéncia, mas si amigos ka ta dexal

Dja ê foi prezu kantu bes i policia tambe dja sotal mas ê fla ma ê ka ta sai di es vida pamodi si amigos ka ta dexal. Ê fla també ma si ê sai di grupu ê ta fika el so

Mariza ( nomi trokadu) kré djuda si irmon sai di vida di dilinquéncia

THUG’S DILEMA...
E ka ben un dilema pamodi Mariza ta dexa entendi na es mensagen ma si irmon ka teni otu opson a non ser kontinua na gang, un vida ki sima ses mai fla so ten 3 saida: cadeia, hospital ou cimitério.

Mensagen di Mariza ê o seguinti :
“Bon dia Onda Kriolu, kel li ê pan pidi un ajuda.
Nha irmon era dretu mas dja ten uns 3 anu ki sima ki demónio ki entra nel.... E mora li na nos caza na Castelon mas al-vez ta ten un semana nu ka ta odjal, nha mai dja flal ma un di es dia ê ta trazedu um mau noticia... Es dia li ê sta xintadu li na caza ku pé intxadu pamodi es dal ku pó na joelho duranti un guerra ku grupu inimigo, si bu odja si korpo ê tudu pankadiadu...

Dja ê foi prezu kantu bes i policia tambe dja sotal mas ê fla ma ê ka ta sai di es vida pamodi si amigos ka ta dexal. Ê fla també ma si ê sai di grupu ê ta fika el so ku txeu inimigos pamodi el també dja ê da txeu alguen pankada y Praia ê pikinoti, undi ki ê bai ê ta konxedu...

Nha mai dja dal consedu di tudu manera mas ê fla ma ê ka podi sai pamodi ma sinon es ta matal, so si ê migra pa strangeru mas també migra ê ka podi pamodi ê ka ta dadu visto sen trabadju y nu ka ten ninguen na strangeru pa manda buscal.... Nha mai també ka kré odjal na es situason pamodi nha mai fla ma ê ta da mau exemplu pa nos 2 irmon + pikinoti ki sta labanta...

Ê por isso ki nu sta pidi opinion pamodi nha mai al-ves ta passa noti interu ka durmi so ku mau pensamentu. Ê fla ma un dia es ta ben flal ma si fidju nha matadu sima atempus matadu un elemento di si grupo. Kuze ki nu ta fazi? Nhos djudanu ku un soluson“. fonte:ondakriolu