USA: Policia cabo-verdiano é recordista na da "Ticket"

É un media di 100 multa di estacionamento ki ê ta da por dia ( un multa na kada 5 minuto di si 8 hora di trabadju por dia)

Merka/ Boston

POLICIA CABO-VERDIANO E RECORDISTA NA DA “TICKET” ...
É un media di 100 multa di estacionamento ki ê ta da por dia ( un multa na kada 5 minuto di si 8 hora di trabadju por dia)
Ildo Rosario ê “recordista” na da multa na departamento di Transporte di Boston ku + di 96 mil multas di estacionamento na ultimos 5 anu, ê ta bati segundu classificadu pa + di 4 mil multa.

Ildo di facto ka ta brinca en servisu, si zelu dja rendi Boston uns 3.5 milhons di dolar, mutu + di kes $50.600 dolar ki ê ta ganha por ano.

Ilfo fla ma el so ê ta “fazi si trabadju” pamodi ka ten ninhun incentivo financeru na da multa. Ė fla tambe ma nen e ka mutu “ezigenti”, ma ê ta da sempri uns 10 minutinhos pa kenha ki passa kes 2 hora di estacionamento na parquimetro ou na lualker otu local di stacionamentu y si ma condutor dja sta dentu carro ê ta dal sempri un segundo chance.

Na verdade si colegas ta ma Ildo ta tenta sempri evita da multa, ê ta sta sempri ta alerta condutores , ta manda tra carro ora ki tempu dja utrapassa ou ta aviza condutores sobre lugar di estacionamentu proibidu. Enton pamodi ki Ildo ê “kampion ” na da multa?

“Arma secreto” di Ildo ê rapidez. Ė ta movi rapido di un ladu pa otu, també é rapido na “txeka” matricula y regista informasons na computador ao mesmu tempu ki ku odju ê ta sigui carros. Nada ka ta scapal, al-vez un carro é ta da 2 multa na un dia si ka movi na 6 hora. Ė si ki na Setembro ê da 219 multa nun so dia.

EXEMPLO DI PROFISSIONALISMO
Di facto ka ten ninhun reclamason kontra Ildo na Departamento di Transporte di Boston, unico carta na si fixeru ê di un sinhora ta agradecel pamodi Ildo djudal un dia kuandu é squeci xavi dentu carro. També pa diretor di es departamento Ildo ê un excelenti profissional ki sta fazi un otimo trabadju na ruas di Boston “un exemplo di profissionalismo”.

Pa Ildo ten 2 formas di bu evita multa de estacionamento (parking ticket) : Kumpri regras y le sinal. Evital ? Nen ka bu tenta, e ta “movi” pa tudu cidade y tudu mes e ta muda “rota”. fonte:ondakriolu