Suicidio entre kes principal cauza di morte na Cabo Verde, Jovens sta mesti ajuda!

Segundo organizason “A Ponte” na kada 100 mil pessoas 16 ta mata cabeça na CV, un taxa superior a média mundial. Suicidio sta entre kes 10 principal cauza di morte na Cabo Verde

Suicidio entre kes principal cauza di morte na Cabo Verde

ADOLESCENTE DI 17 ANU TRA SI VIDA NA ACHADINHA (PRAIA)
E + un joven cabo-verdiana ki dizisti di vivi. Si nome ê Marcia Cabral Silva, ê tinha 17 anu y era aluna na Liceu di Achadinha, na Praia. Marcia enforca cabeça es sábado ku un cinto ki ê marra na gradi di janela na caza di si avo. Pa amigas Marcia era un menina normal, aparentimenti ê ka tinha ninhun prublema. Facto di si mai dadji nel dianti di si colegas pamodi ê sta papiaba txeu na aula sima alguns familiares sta fla ê ka razon pa mata cabeça.

JOVENS MESTI AJUDA...
Segundo organizason “A Ponte” na kada 100 mil pessoas 16 ta mata cabeça na CV, un taxa superior a média mundial. Suicidio sta entre kes 10 principal cauza di morte na Cabo Verde, ê ta afeta sobretudo jovens ki ta recorri a “soluson final” como ultimo forma di rezolvi ses prublema ( y ses vida).
Ka ten dados recentes mas so na 2012 44 pessoas tra ses vida na Cabo Verde ( 36 homi y 8 mudjer). Suicidio dexa di ser un prublema di “doentes mental” ou di “alcoólicos “ pa ê torna un prublema di JUVENTUDE, di jovens y adolescentes aparentimenti normal ki nun determinadu mumentu sta dicidi kába ku vida. Txeu jovens na Cabo Verde sta dezorientadu... Jovens sta mesti ajuda! fonte:ondakriolu