Jadilson Ribeiro, di labador di carro na Fogo a kampion di Maratona Internacional

Papinha ka dezaponta. Ê ganha maratona na distancia di 23 kilometros na duas horas, 18 minutos y 49 segundo. Era si primeru participason y si primero vitória

Di labador di carro na Fogo a kampion di Maratona Internacional

JADILSON RIBEIRO OU A FORÇA DE ACREDITAR...
Na Fogo ê konxidu pa Papinha, sempri ta “papa” prémios na korridas ki ta rializadu na Ilha. Jadinson Ribeiro dja ten + di 20 anu ta pratica atletismo ( ê kumesa ku 8 anu, gossi e teni 29) y sempri ê acredita ma un dia si hora ta txigaba, ma un dia ta surgiba un oportunidadi pa ê mostra mundo si valor.

Oportunidade surgi na final di mês di Setembro kuandu ê foi konvidadu pa fazi parti di seleson di Cabo Verde ki participa na “Grande Trial Serra d’Arga”, un di kes + kompetitivu maratona di montanha di Portugal.

Papinha ka dezaponta. Ê ganha maratona na distancia di 23 kilometros na duas horas, 18 minutos y 49 segundo. Era si primeru participason y si primero vitória na un un prova internacional.

A-partir di enton tudu muda: Papinha, ki kumesa ta laba carro na S.Filipe, dja sta integradu na seleson di maratonistas di Cabo Verde ki próxima semana ta bai disputa mini-maratona di Tenerife, na Canarias.

Papinha kré agarra es oportunidade ku unha y denti, non so pa ê mostra si capacidadi y reprezenta si ilha, mas tambê pa reprezenta Cabo Verde. Ku 29 anu é fla ma ê sta preparadu pa ê da kel grandi saltu na si vida, un “saltu” ki ê dura ta spera mas ki finalmenti batel na porta. “Papinha” sempri acredita: apezar di dificuldades nunka ê ka dizisti . Ku determinason, ku persistencia, sempri ê prepara pa es mumento. Merecidu.
por: (Onda Kriolu ku Marcos Rocha de Pina na Ilha do Fogo)