USA: Primera dama di Cabo Verde recebi prémio ‘ Outstanding Leadership Award"

en nomi di tudu kes kriolas ki na pequenos ou grandes negocios, na caza ou na trabadju, na cidade ou na campo, ta luta diáriamenti pa es afirma ses personalidadi como cidadon

Primera dama di Cabo Verde recebi na Merka prémio ‘ Outstanding Leadership Award"

EM NOMI DI TUDU KRIOLAS...
Pelu menus en nomi di tudu kes kriolas ki na pequenos ou grandes negocios, na caza ou na trabadju, na cidade ou na campo, ta luta diáriamenti pa es afirma ses personalidadi como cidadon y como mudjer na plenu uzu di ses direito.

Ligia Fonseca recebi es prémio di “Outstanding Leadership Award” na Nova York, na encerramentu di Forum Leadership 2015 undi el, Ligia Fonseca, foi konvidada di honra. Ki distinguil ku es prémio foi African Horozont, un organizason ki ta prumovi intercambio entre mudjeris lideres merkanas y mudjeris lideres africanas. Foi un forma, es fla, di reconheci kontributu di Ligia Fonseca na valorizason di potencial di mudjer africana y na exemplo ki e ta da como profissional y como primera dama.

Di facto Ligia Fonseca, advogada di profison, embora sendu mudjer di prezidenti da Republica, nunca é ka renuncia a si papel di cidadon ativu y atentu, ê ta agi ora ki e atxa ma ê debi agi, e ta papia ora ki e atxa ma e debi papia,: ninguen ka ta kalal.

Pa el es premio ê importanti pamodi e ta da maior vizibilidai a Cabo Verde. Podi ser, mas é ta da tambe + vizibilidadi a tudu kes otus cabo-verdianas ki na sombra ta luta pa konquista ses espasu nun sociedade ki infelizmenti inda kontinua machista y preconceituoza. E por issu ki es premio tambe ta distingui mudjer di nos terra. Parabens pa nhos tudu. por:ondakriolu