Tinho: "Musica é nha prioridade, N'chinti si chama desdi criança!"

Paixon pa Dança Desdi pequeno n chinti sempre um "chama" di Musica dentro di mi, mas nunca cu pensamento na um dia ser Cantor profissional.

Hoje conversa é ku Tinho un artista cabo-verdiano ki ta vive na França, mas cultura de cabo verde é ta leba na musica, djé foi dançarino, foi nau, ainda é. apenas é soma musica na si bagagem. Nes percurso vida pol konxi txeu pessoas ki influencia di certa forma a afirma nes mundu, y é ta fla ku orgulho ma musica é si prioridade. continua ta lé y sabi di si historia, contadu na primera pessoa...

Fala um poku di bu perkurso na musica?

Paixon pa Dança
Desdi pequeno n chinti sempre um "chama" di Musica dentro di mi, mas nunca cu pensamento na um dia ser Cantor profissional.
Antis di ser Cantor,  n apresenta publico um grande paixao qui foi e é dança. N Participa na varios grupos de dançá como: "Sankofa " ; "kompanhia Multicultural Diaspora", "Sol di Tradição" e por fim um grupo qui foi criado  pa mi "Companha da Cultura e Tradição", undi ntivi um grande apoio di Associação Unidos de Cabo Verde, situado na Amadora Casal da Boba (Lisboa). Cu nha proprio grupo di dança n tevi varios conhecimentos como produtores de vidéo: Alcides Britos (AVBPRO), Ze Carlos Maridée Cervantes, etc... E varios cantores produtores de audio como: Kidy Martins, Suzy Tavares, Olivio D'Alice, Eddu,Tony Fika, Gylito, Tó Semedo, Paulo Tavares, Maicam Monteiro, Gama...

Entrada na Musica
Dipos de anos na dança ntevi opurtunidade di conche e ser colega di trabadjo di Soraya Pillamundo e Suzy Tavares, undi cada um di nos tevi privilégio di partilha nos gostos e qualidades; foi apartir di la undi n foi convidado na fazi parti na mundo di musica. E Sempre cu receio di opinião e reacção di publico sabendo qui mi era um pessoa anti social e timido.

Hoje nta agradeci Soraya Pillamundo pa ter apresentado mi nha primero produtor audio qui  foi Lejemea Andrade funana " Ma ka tem nada "; tambe nta agradeci Suzy Tavares e Kidy Martins qui foi uns dos primeiros ta dam força e mural pam podi avança, cu convites di Shows, concertos e convivio.

Na um Show  n caba pa conchi Tita Preta uns de melhores vozes feminina na batuque Agostinha undi nos amizade foi à primeira vista. Dipos di 1 ano no lança nos cd/dvd na ano di 2013 intitulado como: grupo T.A.T  (Tita, Agostinha y Tinho). Undi n kumea ta ganha publico y n aprendi mas brinca cu publico.

Larga grupu pa sigui Carera a solo
Dipos di uns tempos di Shows, promoção ,divulgação di nos Cd/Dvd n decide decha Grupo T.A.T pam podi concentra na nha cd / Dvd à solo.

Des ki bu kumeça bus produçons, videos, sempre foi ku qualidade, ou isso bai ta cria ku tempo?

Desdi qui começa nhas produções sempri ntevi ambição na ser original y diferente, mas cu falta di apoio y conhecimento nca tevi kel opurtunidade di expressa di nha manera, pensamento e acção.

Nta agradeci Alcides Britos  (AVBPRO ) que foi nha primero produtor audio visual, dipos Nu Naus Lc  (Otu-Level Prod ) qui dam um grandi atenção à nivel di originalidade, produção e como amigo tambe é foi e é um grande Irmão qui Deus poi na nha caminho artistico.

Nes momento nsta reside na frança,  ntem um grandi apoio di parte di nha Primo/Cantor Zico Dc Brown a nivel de Composição, voz e Letra, Tony Tavares, e um grande produtor di audiovisual Yanis Djam / Far Away Concept / qui foi director di nha Vidéoclip di Faixa "Bem ser dimeu"

kal ke bu difiniçon pa musica?
Musica Pa Mi é sentimento, mensagem, consedjo "Musica e nos"

Hoje em dia oras ki nu ta faze algu pa publico nu sta sujeito a recebi criticas (bom ou mau) modi ki bu ta lida ku isso?

Sempri ntevi receio di reacção y opinião di publico, à nivel di nha maneira di ser " timido", mas graças à Deus n foi e nsta chinti ser bem recebido, n recebi tcheu critica BOM tanto MAU tambe, mas nsta chintim Forti moralizado di tanto força, mensagem qui nta recebi tudo dia di fans, amigos familiares e conhecidos à nivel di nhas mas recentes trabadjos. Nta agradeci tudo nha publico pa confiança. Nta promete partilha cu nhos sempri nhas bons Sentimentos.

Hoje bu ta vive di musica?
Hoje nca ta vive apenas di musica nteni nha trabadjo y nhas estudos tambe mas apesar di tudo Musica é nha prioridade!

kal ke projetus ki sa bem?
Cd / Dvd Brevemente na Mercado, si tudo corri bem e se Deus kiser esta pa sai na prencipio di proximo ano.

si tempo volta pa traz y bu podeçi escolheba, bu ta entraba na musica?
Nta  atxa ma entra na Mundo artistico é ca escolha mas sim é nos distino, pois nu ta atravessa tcheu obstáculos pa nu concretiza valor di nos trabadjo.

Dexam Sabi CV ta deseja sorte pa es talento y ki si carera ta ser sempre un sucesso...