caboverdiano desenvolvi un ambiciozu prujeto di arquitetura espacial ku destaque pa Planeta Marte ki ta bai desdi estudo di material y sistema di konstruson na ambiente
ANTECIPAR O FUTURO...
Ideia di coloniza Marte podi parci ficson cientifica , mas nau ...Instalason permanente y extensivu di humanus na Planeta Vermelho é un pruposta sério y cientificamenti viável pamodi Marte, pa alén di ser kel Planeta + pertu di Terra, é ten kapacidade potencial pa recebi vida humanu ( ê tem agua, embora geladu, si superficie ê sima di Terra, si atmosfera ê suavi y si gravidade ta korrespondi a 38% di gravidade di Terra). Obama dja fla ma na 2030 Merka ta manda pa primeru bes austronautas pa Marte.
http://www.dexamsabi.com/2015/09/kady-lanca-video-clipe-kaminho.html Talvez ê ku es ideia na mente ki Misael Benrós, un joven studante cabo-verdiano di Universidade Izabel Hendrix, na Belo Horizonte, Brazil, talvez ê ku es ideia di un dia odja homi ta vivi na Marte ki Misael Benros, 21 anu, desenvolvi un ambiciozu prujeto di arquitetura espacial ku destaque pa Planeta Marte ki ta bai desdi estudo di material y sistema di konstruson na ambiente extra-terrestre ti prupostas di konstruson di habitason na es Planeta di nos Sistema Solar.
Por fin, ku bazi na estudos y levantamento de dados, Misael ta propõe un conjunto di técnicas di konstruson y técnicas logisticas pa implementason di un centro di pesquisa internacional na Marte levando en conta si viabilidade fisica y económica. Tudo es “ideias” sta na si monografia ki sta na Internet pa download ( E sta na ingles: Study on the best materials and constructive system for a future Mars colonization).
FEEDBACK...
Embora arquitetura espacial ê un area ki desenvolvi txeu na es ultimos 50 anu, Misael fla ma txeu pessoas “torci nariz” kuandu eh aprezenta na scola es prujeto di Arquitetura Espacial pa Planeta Marte. Ė ki estudos di es tipo sta fora di kel forma tradicional di enxina arquitetura. Mas ovi també txeu colegas y prufessoris ki apoia y oji, embora inda prujetu ka sta koncluidu, Misael dja aprezental na alguns “workshop” sobre arquitetura na Universidades Brazileru y até dja ê recebi di NASA un pedido pa utilizason di si pesquiza na un conferencia na Los Angeles sobre colonizason di Marte. Sonho di Misael ê un dia trabadja pa NASA ou pa kualquer otu agencia di investigason espacial.
FINANCIAMENTO...
Nun altura ki turismo espacial sta na orden do dia, certamenti ka ta falta grandes emprezas ou corporasons interessadus na es prujetu di konstruson espacial . Para já Ismael sta studa pa termina si licenciatura di Arquitetura, é sta ku un bolsa di mérito pa si altu desempenho académico.
Misael naci na S.Vicente mas é kria na Praia. É sta studa na Brasil desdi 2012. Embora inda ê ka termina licenciatura é ten algun experiencia profissional pamodi na férias é ten trabadjadu na escritorios di arquitetura tantu na Brasil como na Merka.
Misael Benrós: certamenti inda ê ta da ki papia.
fonte:ondakriolu
COMMENTS