Sol ta provoca cancro di pele? sol ta cria ruga? sol ta mata? Sabi verdade li

Verdade eh ki Sol eh un di kes primeiros alimentos, sem sol ka ixisti vida na terra. Tudo vez ki sol bati na nos pele nu ta absorve vitamina D3

Nutriçon Terra Terra; SOL

“ Sol ta provoca cancro di pele, sol ta doence, sol ta cria ruga, sai di sol, sol ta mata”. Kes la eh expressões ki nu ta obi frequentemente, mas, sera keh verdade? Serah ki sol eh tao mau assi? Pamodi ki indios, munti tribos na africa, es ta vivi nu e es ka tem cancro di pele? Pamodi ki surfistas, pescadores, agricultores es ta vive na sol e dificilmente es ta doence? pamodi ki veron tem menos doenças ki inverno? Kanto alguen ki bu odja ku cancro di pele na cabo verde? Serah ki protetor solar eh seguro?

Verdade eh ki Sol eh un di kes primeiros alimentos, sem sol ka ixisti vida na terra. Tudo vez ki sol bati na nos pele nu ta absorve vitamina D3, ki ta previni cerca di 90% di cancros k nu podi bem tinnha na futuro e sol eh único fonte seguro de vitamina D3. Ku níveis di vitaminaD en dia difiicelmente bu ta doence, el eh super importante pa tudo funções metabólicas dentu di nos corpo inclusive eh bom pa pele e indispensável pa nu tem saudi. Cuidado ku uso di protetor solar pamodi eh tem químicos moda benzophenone, moda benzyl benzoate, moda xenostrogeno ki podi provoca cancro di pele, celulites e ingoorda. Dja sta provado ma ovo eh un protetor solar natural, si bu ta consumil frequentemente eh ta hidratou pele e protegeu pele e odju di raios di sol.
Si bu ka tem habito di toma sol, começa ta tomal poku poku, aproveita kel sol suave di manha, kel sol suave di fin d tarde ti ki bu ganha habitua kol.