Hoje un dos maiores desejo de Player é atua na si terra Cabo Verde, mas precisamente na si cidade Tarrafal.
Hoje un dos maiores desejo de Player é atua na si terra Cabo Verde, mas precisamente na si cidade Tarrafal.
Player contanu ma na Dezembro é sa bai pa Cabo verde, dipos di alguns anu ta vive na Luxamburgo, finalmente é sa volta pa terra ki odjal ta nansi, undi kumensa si amor pa musica, influenciado pa amigos ki ta cantaba na altura sima Devil.k, Djy Indiferente, K4, Ghetto Stars, GN. Player kumeça ta canta na 2008, y di la pa hoje so ouvi evoluçon, nes percurso é lança 3 mixtape. Entre varios stilus ta distaca rap y r&b music, é flanu me ka sabi modi ki pessoas ta reagi peranti si musicas, mas é ta garante ma si musicas pode ser ouvido pa tudu camadas desde geraçon mas velho ti jovens. continua ta lé y sabi mais di es nos artista.
Bu inicio na musica, modi k foi?
Foi curioso pah kkk, nta odja txeu artistas ta fla mes cumeça desde pikinoti, mas mim nao. Nha gosto pa musica kumeça na quando ntinha 13//14 anos, na nha zona tinha rapper k tinha sucesso tipo (k4, new rapper, Gianny ku Marito,) dila ntenta frequenta dança ku grupo Fidjos di Bibinha Cabral, mas nkaba ku desisti, pmd nha vida sempre foi um correria, sempre nta mudaba... Mas interessante, foi k quando n'odja artistas tipo Djy Indiferente, Giany, Devil K, ntive prazer d trabadja kues. Mas npanha mas gosto ainda pa musica na 2009, ku projecto di Ghetto stars, era moda musica eletronica/ hipHop, e hoje nta fazi part di mesmo grupo di 1 d kex ex artista d Ghetto stars, Lil playne (grupo Skinny-Boyz)
Vive na estrageru fazeu muda, em termo de criatividade musical?
Di certo forma sim, estrageiro ta abriu txeu portas mas també ta dau txeu cansera
Y hoje, modi ki sa ser bus produson?
Fantastico, nteni nha produtora (FreshTv) i també nta djuda monti maltas k kres fazi ses musicas, nes momentos nsa trabadja ku midjor produtora d kizomba (FleepBeatz) e breve ku Egroove Music
Bu kumesa na hip hop, y hoje bu ta fazi so Hip Hop?
Nha gosto sempre foi r&b, mas hoji nsta mas universal (hiphop, r&b) n'adiciona kizomba e afro, e tem corrido fixe
Kal ki é bu sonho na Música?
Ser bem sucedido, cada vez mas conxedo, e trazi mas melodia, mesmo k industria estraga, mas batalha ta continua...
Na momento bu ta sta na Luxemburgo, modi ki sta comunidade cabovediana pa la, y dja bu custuma faze alguns atuasons pa la?
Pessoal di li eh um pocu maz fitxado, mas sempre k ten festas criolo, td berdiano bu ta odja, ou seja, festa berdiano é unico ki ta "bate" li. Ya atuaçon sim, mas breve assim kin lança um projecto ki nsa pripara mi ku odjy Menager d Egroove Music, nta cumeça fazi um pikeno agenda d shows
Hoje apusta na qualidade é importante pa sucesso, modi k bu ta trabadja bus musicas?
Nhas musicas nta trabadjal ku qualidade acima d tudo e conteudos chamativos, tem apoio d Ravidson també ke um d kes nomes na nha novo projectos i també paralem d grande artista k el é, eh ta trabadja ku qualidade.
Nton sta kusas na forno? É um album?
Nka sabi flau ao certo, mas é um projecto grandi.
Pa bo kuze ke música?
Musica é arte..
Um lugar perfeito pa bo?
Simplicidade e beleza de Tarrafal
Bu maior medo?
Perde kem k nta ama
Dia ou noite?
Note
Cor preferido?
Vermelho
Um filme?
Cómico
Um musica que marcou es ano?
Helida lebam ku bo
Kal consedju k bu ta da pa um pessoa ki sa pensa entra na mundu de musica?
Precistencia
Dipos des entrevista nu kre fla nhos pa nhos fika ligadu nes joven ki futuru inda ta trazi bons musicas pa nhos, pa kenha ki sta na Cabo Verde, dja nhos sabi na Dezembro Player ta sta la pa kel show, até la, abraços
COMMENTS