1. NORUEGA – Eh midjor paiz di mundo pa vivi, eh ten talvez kel midjor sistema di saude di mundo. Graças a petroleo ki eh ta exporta Noruega ka ten prublema economico.
ENTON CONXI KES 10 MIDJOR PAIZ UNDI BU PODI KONSTRUI BU FUTURO ...
Pa cabo-verdiano imigrason al-vez nen eh ka un escolha. Eh un fatalidadi. Ten ki ser. Paiz pa undi nu ta emigra txeu bez eh ka nen nos ki ta dicidi - nu ta bai pa kel terra undi nu ten familia, di undi nu mandadu papel ou simplimenti pa undi ki distinu mandanu...pa undi ki da.
Mesmu si li ta fika un lista di kes 10 midjores paizes undi bu podi vivi ku midjor kondison ( Lista eh di Programa de Desenvolvimento das Nações Unidas , eh foi elaboradu ku bazi na indice di desenvolvimento humano, esperanca di vida y tempo medio di escolaridade).
1. NORUEGA – Eh midjor paiz di mundo pa vivi, eh ten talvez kel midjor sistema di saude di mundo. Graças a petroleo ki eh ta exporta Noruega ka ten prublema economico.
2. AUSTRALIA – Ten txeu cabo-verdianos la, embora es eh kuazi “invizivel” na comunicason social. Australia eh paiz undi pessoas ta passa + tempu na scola y la desemprego eh baixissimo.
3. SUIÇA- Si bu bai la bu ka ta xingi “stranhu” pamodi la ten txeu cabo-verdianos pa konvivi. Na speransa di vida Suica eh medalha di bronxi na mundo.
4. HOLANDA – Un di kes paiz “tradicional” pa emigrason cabo-verdiana. Eh un di kes paiz + desenvolvidu di mundo y la ka ta xintidu mutu diferensa entre homi ku mudjer ora ki ta papiadu na na oportunidade di bai pa frenti.
5. ESTADOS UNIDOS- Eh sta na meio di tabela, embora Merka ten un economia brutal. Si pontu fraco eh desigualdade y sistema di saude ki Obama inda ka kosigui rezolvi, mas Merka eh lider na mundo na arte, educason, ciencia y negocios.
6. ALEMANHA – Maior economia di Europa y ku un serviço social altamenti eficaz.
7. NOVA ZELANDIA – Segundo paiz na mundo pa bu educa bu fidju (So ultrapasadu pa Australia) La ten poku cabo-verdianos mas eh un bon paiz pa emigra pamodi la ten un alto esperanca di vida
8. CANADA- Ses pontu forti eh educason, la tudu alguen ku 25 anu ou + completa pelo menus ensino secundario.
9. SINGAPURA- Na Asia eh midjor paiz pa vivi. Speransa di vida eh alto y taxa di mortalidade eh un di kes + baxu di mundo. Si bu kre ten vida kumpridu bai Singapura.
10. DINAMARCA – Eh ta fitxa lista di Top Ten. Talvez eh kel paiz ki ten midjor sistema di pruteson social na Planeta, por exemplo ten un anu di feria pagu pa quenha ki kré cuida di ses fidju na caza.
fonte:ondakriolu
COMMENTS