Pa tudu ki eh ten fetu pa muzika di Cabo Verde, pa tudu apoio ki como muziku y como produtor eh ten dadu al-vez gratuitamenti a artistas di Cabo Verde
“N’KA MERECEBA SER TRATADU SI...”
Pa tudu ki eh ten fetu pa muzika di Cabo Verde, pa tudu apoio ki como muziku y como produtor eh ten dadu al-vez gratuitamenti a artistas di Cabo Verde , pa tudu kel li y mutu + Kim Alves fla eh ka mereceba ser tratadu di ladron y di homi ki ka ta kumpri ku si palabra.
Nu ta lembra ma Luis Montrond acuza Kim Alves di “rouba si direitos” kuandu aparentimenti eh ka entregal parti di receita di venda di CD “ Unidos pa Djar-Fogo” sima supostamenti es tinha kombinadu.
CD KA BENDI
Kim Alves fla ma eh prumeti djuda Luis ku si familia sin , si CD bendeba, embora objetivu di es trabadju ka era kel la. Mas prublema eh ki CD ka bendi, apezar di tudu sucesu mediático ki muzikas fazi na radio y na rede social.
Kim Alves esclarece ma foi produzidu 500 CD, maior parte sta na loja pa bai busca pamodi ka bendi y receita di kes poku ki bendi inda nen sequer ka foi recolhidu. També eh fla ma ninhun artista ki participa na es prujetu ka recebi nada, nen sequer un CD, kenha ki kreba tinha ki cumpra, el propri Kim Alves fla ma eh kumpra un pa eh ofereci a un pessoa amiga.
“MAL-ENTENDIDUS...”
Kim Alves esclarece ma objetivo di es trabadju eh ka era so bendi CD pa djuda vitimas di eruposn, era SOBRETUDO pa SENSIBILIZA pessoas sobre situason di deslocados di Tchan y uni cabo-verdianos a volta di es cauza nobre di djuda nos irmon di Fogo. ( Kim Alves como produtor fla ma eh sabi ma CD ka sta bendi sima antigaenti) .
Pa impacto mediatico ki muzikas teve tantu na Cabo Verde como na diáspora, Kim Alves ta konsidera ma CD cumpri es mison di sensibiliza povu pa djuda ilha do Fogo.
“CD KA EH DI LUIS MONTROND...”
Eh esclarece inda ma CD eh ka di Luis Montrond, eh un prujetu di sel ki envolvi 25 artistas y ki Luis Mondrond foi konvidadu na ultima hora + pa tenta prumove es muziku di Djar-Fogo ki di es forma podia ganha un plataformadu + alargadu di divulga si muzika y obri otu portas. Mas Kim Alves fla ma Luis Montrond konfundi tudu, sima si Luis Montrond pagal pa produzil CD. Aliás, Kim Alves fla ma si intnson era, sima eh grava es CD gratuitamenti na si estudio na Praia pa djuda Djarfogo, si intenson era també futuramenti produzi gratuitamenti un CD pa Luis Montrond pa apoia es artista y apoia cultura di Cabo Verde. Eh també na es sentidu ki eh prumetel alguns intrumentos.
“TENTATIVA DI DINIGRI NHA IMAGEM”
Kim Alves fla ma eh ka fika maguadu, mas ma eh fika tristi ku declarasons di Luis Montrond ki embora podi sta passa pa mumentos dificil debia scodjeba otu alguén pa discarrega si raiba. Pamodi, segundo Kim Alves, es acuzason di Luis Montond ka ta atingi so el, també eh ta dinigri imagen di tudo kes otu 25 artistas ki gratuitamenti participa na es prujetu, tudu unidos a volta di un cauza nobre. Eh por isso ki Kim Alves ta fla ma Luis Montrond di es viaji piza rusku.
Nun konbersu por telefone ku Onda Kriolu Kim recorda si passadu: 40 anus na mundo di muzika markadu pa ruspetu, pa integridade moral y profissional y sobretudu pa kel deseju inkebrável di difendi y di valoriza cultura di Cabo Verde ki pa el eh un MISON. Y eh ku es mesmu espirito di ajuda y di solidariedade ki eh fla ma eh ta kontinua ta nortia si trabadju, sempri prontu pa djuda na kel ki eh podi. Y pa termina Kim ta fla ma el eh fidju di Djonsinho Alves, ninguén ka ta apontal dedo. fonte:ondakriolu
COMMENTS