Cuzé ki ta leba un menina bunita a opta pa vida di freira?

uns Deus ta txoma pa caza, pa ten fidju, pa forma familia, otus Deus ta txoma pa ser freira ou pa ser padre

Cuzé ki ta leba un menina bunita a opta pa vida di freira?
IRMÃ JUVENILDA FLA MA KADA UN TEN KI SIGUI SI VOCASON...
Juvenilda staba na oitavu anu di Liceu kuandu eh dicidi entra na vida religioza, por isso eh dexa Ribeira das Patas, na Santo Antão, y eh bai kumesa formason na Congregason Franciscana, na Ilha do Fogo, y dipois na Praia. Divagar divagar eh renuncia a cuzas supérfluos di mundo y eh passa ta assumi valores + profundos ki eh ta kré pa tudo jovens odja n’el.

Juvenilda ta xinti aliás a-vontadi na meio di jovens di Paróquia di Porto Novo, undi eh fazi si estágio di noviciado.
Y pamodi ki eh dicidi ser freira, falta di namorado, falta di rapazis pa conquistal? Si ki jovens al-vez ta perguntal , Nada dissu.: Pa Juvenilda kada un ten ki sigui si vocason, cazu kontrario eh ta korri risku di ser infeliz. Alén disso eh fla ma eh sta odja txeu di si colegas ki djuntu k’ol bai fazi es experiencia religioza y dipos abandona hoji arrependidas pamodi es dexa seduzi pa cuzas di mundo.

Juvenilda dja sta na es vida dja ten 5 anu, si sonho eh ser educadora, por isso eh sta pensa na completa Liceu ( dja eh termina décimo ano) y tra un curso di Ciencias di Educaçao pa eh podi sta midjor preparadu pa trabadja ku jovens.

Na Porto Novo eh fla ma jovens ta tratal pa “bó”,ma ka ten protokolu txeu, so ki alguns fika admiradu ku es si decizon di sigui es caminho mas eh fla ma na es mundo nu ten ki respondi a chamamento di Deus : “uns Deus ta txoma pa caza, pa ten fidju, pa forma familia, otus Deus ta txoma pa ser freira ou pa ser padre “ cima un si irmon ki sta forma na Praia.
fonte:ondakriolu.