Abraço tem benificios enormes pa saúde, é harmonia ideal pa desperta amor

Caricia e toque ta representa kel lado mas humano di nos ser humano, mas infelizmente, nos ser humano nu tem andado kada vez mas distante

Nutriçon Terra Terra: ABRAÇO

Caricia e toque ta representa kel lado mas humano di nos ser humano, mas infelizmente, nos ser humano nu tem andado kada vez mas distante e afastado di cumpanhero.

Abraço en si eh considerado terapia, e tambeh, midjor antidepressivo ki existi, ku capacidade di prenchi qualquer vazio, cura qualquer ferida, el eh tambeh harmonia ideal pa desperta amor, seja entre amigos, familiares oh mesmo entre parceiros. Abraço tem benificios enormes pa saúde.

Abraço ta fortalece sistema imunológico, ta abre apetite, ta elimina stress e dores musculares, ta torna sono mas saudável e ta midjora visual. Pa otu lado tambeh eh ta apazigua raiva, midjora autoestima e ta elimina sentimentos di solidão.

Horas ki nu ta abraça e horas ki nu ta ser abraçado emoções ta transparece, eh algo profundo ki ta surge di nos interior. Por isso nu aproxima, nu da nos corpo un oportunidade di ser feliz através di un simples abraço.