USA: Damone na luta contra Cancer

Damone fla ma kel ki sta pa kontici ...ta kontici. Eh ka sta ku raiba nen eh ka sta condena distino Merka : Sonho di es adolescente eh ...

Damone fla ma kel ki sta pa kontici ...ta kontici. Eh ka sta ku raiba nen eh ka sta condena distino

Merka : Sonho di es adolescente eh vizita si dona na Cabo Verde

NA LUTA CONTRA CANCER...
Damone ten 17 anu, mas segundo prognostico medico eh ka ta txiga 18. Es noticia ka tra es joven di origen kriolu nen si surizu nen si alegria di vivi. Alias, Damone fla ma eh passa ta aprecia vida ku + intensisade, ma eh passa ta da + valor a pequenos cuzas ki eh ta fazi na si dia-a-dia. Dipos Damone sabi ma nen tudo prognostico médico ka ta koncretiza, eh conxi doentes di cancer ki dadu un ano di vida mas ki 10 anu dipos inda sta bibu...

Eh por isso ki Damone sta luta, eh por isso ki anu pasadu eh aceita pa dotor amputal + di metade di si perna direito pa odja si ta trava avansu di cancer di osso ki sta teima na invadi si corpo.

Damone fla ma kel ki sta pa kontici ...ta kontici.
Eh ka sta ku raiba nen eh ka sta condena distino, di si parti eh ta fazi tudo pa venci es batalha ki també eh ten consciencia ma eh podi perdi. Eh por isso ki eh kré bai Cabo Verde pa eh bai odja si dona (avo) ki dja dura eh ka odja, eh fla ma eh didicil pa si dona viaja pa Merka. Un otu sonho di Damone eh tra si carta di conduson, si irman eh ki sta enxinal guia enquanto eh sta studa código pa eh bai fazi exame.
Damone sabi enquantu ten vida ...ten speransa.


fonte:ondakriolu