Theresa Varela naci na Cabo Verde na 1937, quarto fidju di un familia di 13 irmons.
Madre Theresa: "Coração de Amor"
MADRE THERESA DE CORDOBA.
Nau, eh ka enganu, eh Theresa ku h , Theresa Varela.
Theresa Varela naci na Cabo Verde na 1937, quarto fidju di un familia di 13 irmons. Ku 18 anu eh discubri ma si vocason pa vida religiosa era + forti di ki si deseju di caza y di ten fidju. Eh es vocason religiosa ki lebal pa Portugal, Brasil, Italia, Estados Unidos ( undi eh fazi cursu di lingua inglez y cursu di muzica) y finalmenti Argentina, a 7 mil kilometros di si terra natal.
Foi na Argentina ki eh discubri ma si vocason eh ka trabadja “pa” pobres mas sin “ku” pobres, na ses ladu, na ses luta di dia-a- dia...
Na principio eh ta enxinaba Biblia mas si desejo era fazeba mutu + , talvez eh por isso ki eh pidi sai di convento pa kria “ Fundasion Mission Esperanza” ki na ultimos 20 anos trazi un novu speransa pa milhares di jovens argentinos na cidade di Cruz del Eje, na provincia di Cordoba, un zona ton pobri y seco sima si terra Cabo Verde.
Na kumesu foi dificil : Madre Theresa ta reuniba ku jovens baxu di arvores pamodi ka tinha otu lugar, la me es ta cuzinhaba a lenha kes poku donativos ki eh ta recebeba, mas hoje es kriola sta a frenti di 7 aldeias infantil y centros kumunitarios ki di segunda a sabado ta recebi uns 700 kriansas carenciadus. Sabado y dia domingo centros ta recebi criansas y jovens pa educason civica, classe de dansa, desporto, musica ,etc.
Eh ten tambe un scola ( Escola de Artes e Oficios) pa alunos sen recursos pa fomenta cultura di esforsu, di trabadju y di responsabilidade. Pa si mó dja passa uns 2 mil jovens ki staba perdidu na vida, eh ku alegria ki madre Theresa ( si prutegidos ta txomal “La Hermana”) – eh ku alegria ki madre Theresa ta odja txeu di es jovens dja formadus y ku un profison na vida.
Di facto prioridade di madre Theresa eh + so da kumida a pessoas karenciadu , si objetivo principal eh hoje alimenta cérebro, da un resposta a “fomi intelectual” . Eh ta insisti na educason pamodi eh fla ma un pessoa educada “ ten capacidade di transforma y di frasforma si cabesa.”
Trabadju di es kriola eh reconhecidu dentu y fora di Argentina - Madre Theresa Varela ten + premios y distinsons di ki proprio Cristina Kirchner ( prezidenti di Argentina) mas tudo es honrarias ka muda si for di ser, si manera simples y discontraidu di sta na vida. Eh ta txomadu “ Madre Hippie” justamenti pa si jeru alegri, sempri ku kel surizu...
Ku 76 anu es freira ki ta bisti ropa ganga kontinua ta kontagia ku si energia y alegria di vivi. Sima un otu madre Teresa ( Madre Teresa de Calcutá) madre Theresa de Cordoba ten es don di inspira y di muda mundo.
fonte:ondakriolu
COMMENTS