Irma Angelina: Religioza pur vokason, Professora pur dedicason

Pa Irmã Angelina maior alegria eh odja si alunos ta singra na vida

COBJU9 é uma banda de Rock com alma Caboverdiana...

Kuumba Kabral vai revelar o que tem na “Na Gaveta” … no 5th Stage Sessions

"Perdi a minha mãe muito cedo, a musica tornou a minha terapia para superar a dor" - Etsom FG

Irma Angelina: Religioza pur vokason, Professora pur dedicason

Natural di Boa-Entradinha na concelho di Santa Catarina, Ilha di Santiago, irmã Angelina (Angelina Semedo Moreira) ka ta transmite so ensinamentos espiritual, eh ta transmite també ensinamento humano y académico ki eh ta konsidera ta konsidera ton importanti como ensinamentu espiritual.

Aliás, pa irmã Angelina ensino eh prolongamentu di si mison religioza ( Angelina eh Missionária Espiritana, si primero votos – di pobreza, di kastidade y di odediencia – eh fazel na 1979)
Kuantu a formason religioza eh fazel na Portugal, França y Suiça. Eh volta pa Cabo Verde na 1979 undi eh fazi curso di Magistério Primario y apartir di enton eh kumesa ta dedica di corpu y alma a es profison di enxina. Dipos di ser professora primária eh passa ta ser prufessora di francez na Liceu Pedro Cardoso, na Praia, dipos di tra curso di Lingua Francesa na Instituto Superior de Educação.

Pa Irmã Angelina maior alegria eh odja si alunos ta singra na vida, sobretudu kes ki ten + dificuldade y ki nunka eh ta ta nega un apoio. Mas eh fla també ma ten jovens y adolescentes ki ta da gosto trabadja kos, ki eh un alegria pa odja, mas ma ten otus ki ka ta korrespondi pa + ki insistidu. Kel li eh si maior mágua, mas irmã Angelina nunka ka ta dizisti : eh fla ma eh ta kontinua sempri ta luta pa odja juventude ta avansa y ta prugridi na vida.

UN PRUFESSORA DIFEENTI?
Con certeza. Irmã Angelina ka ta fika paradu ora ki un aluno dexa di bai scola ou si eh pidi riunion ku pais y pais ka kompareci.
Nau. Irmã Angelina ta poi pé na txon ta bai ti ses caza ( Si maior prublema eh transporte, kenha ki ta oferecel un carro?).,, Eh ta bai ti ses caza y si prublema eh falta di dinheru pa paga propina eh tenta djuda, mas talvez + importante eh kel mensagen ki eh ta dexa : ma un ser humanu ten ki ser kompletu, ma educason eh també un kaminho pa encontra Deus.
Paixon pa ensino ka afasta irmã Angelina di si mison evangélico, eh sta sempri ta leba PALAVRA pa otu paragens moda Senegal y Camarons, paizes maioritariamenti musulmanu . Abertu a mundo y a novas culturas, Irmã Angelina ta defendi un konvivio saudavel entre religions y també eh ta difendi + formason humano pa religiozas di forma a komprendi y a agi midjor nun mundo kada bez + komplicadu.

fonte: ( Onda Kriolu ku Radio Vaticano)