Drama di Deportados di Merka pa Cabo Verde Na Merka sta cerca di uns 400 jovens cabo-verdianos na mira di imigrason txeu na iminéncia ...
Drama di Deportados di Merka pa Cabo Verde
Na Merka sta cerca di uns 400 jovens cabo-verdianos na mira di imigrason txeu na iminéncia di ser deportadu pamodi es kumeti un ou + infrason ki ta bai desdi falta di documento a agreson, venda di droga ou otu tipos di delinquencia. Maioria eh de estados di Massachusetts y Rhode island, txeu sta na cadeia y dipos di kumpri pena es podi ser repatriadu pamodi Lei di Imigrason ta fla ma kualquer imigranti ilegal ki foi sentenciadu a un ou + anu di cadeia sta sujeito a repatriamento.
Maioria di es jovens txiga Merka mininu, otus ka ta papia kriolu y maioria ka ten kualificason pa ninhun atividade laboral na Cabo Verde.
Ka ten estatistica exatu, mas na CV debi sta cerca di uns mil jovens ki nun determinadu altura foi deportadu di Merka. Na Cabo Verde txeu ka encontra nen amigo nen familia y sociedade ta trataz ku un certu desprezu pamodi es ta odjadu sima alguén ki desperdisa chance di midjora vida nun paiz di oportunidade. Es ta identificadu ku “thugs” , ku delinquentes y poku empregadores ta kré daz trabadju nun terra undi desempregu ta atingi un tersu di juventude. Txeu di es jovens deportados di fato ka ta rezisti a tentason di entra na gangs y na mundo di crime como forma di adapta y di sobrevivi nes contexto di desemprego, pobreza y marginalidade.
EH UN DRAMA...
Na Brava por exemplu bu ta odjaz na centro di Nova Sintra sen nada fazi nun cidade ki nen un cinema ka ten pa passa tempu. Maioria ka ten trabadju fixo, es ta sobrevivi di “expediente” ou di algun dinheru ki familiares ta manda di Merka. Es rapazes , maioria na ses caza 20, ta inspira di facto un certu medo na populason. Frustadus, aborrecidos, txeu ku prublema di alcool ou di droga, cada un ta konta un sotoria, storia di injustica ou di abuzu tanti fizico como psicologico ( Foto eh di un hoven deportadu na Djabraba)
Na Fogo eh mesmu cuza, bu ta odja es jovens ta vaguia pa bares di S.Filipe sen speransa na dia di manhan. Dja es ka sta mutu acredita na prumesas di governo ou di organizasons humanitarias ki es ta fla ma eh bon na discursu mas fraku na kumpri .
VITIMAS Y CULPADU...
Es jovens podi ser kulpadu di crimes ki es kumeti na Merka, mas es eh tambe vitimas di sistema.
Es eh vitima di sistema merkanu di imigrason ki ta deporta indiscriminadamente sen chance di reabilitason , es eh vitima també di un sistema social y familiar direcionadu mas pa “ten” di ki pa “ser” . Maioria di es jovens txiga ku familia a-partir di anos 80, familias ku poku educason escolar ki koncentra na cidade violentus moda Dorchester, Brockton ou Providence. Na corrida pa dinheru ( dola) txeu poi educason di fidju na segundo lugar y es squeci talvez di kel kuza ki era + importante : consigui cidadania pa ses fidju.
fonte:ondakriolu
Na Merka sta cerca di uns 400 jovens cabo-verdianos na mira di imigrason txeu na iminéncia di ser deportadu pamodi es kumeti un ou + infrason ki ta bai desdi falta di documento a agreson, venda di droga ou otu tipos di delinquencia. Maioria eh de estados di Massachusetts y Rhode island, txeu sta na cadeia y dipos di kumpri pena es podi ser repatriadu pamodi Lei di Imigrason ta fla ma kualquer imigranti ilegal ki foi sentenciadu a un ou + anu di cadeia sta sujeito a repatriamento.
Maioria di es jovens txiga Merka mininu, otus ka ta papia kriolu y maioria ka ten kualificason pa ninhun atividade laboral na Cabo Verde.
Ka ten estatistica exatu, mas na CV debi sta cerca di uns mil jovens ki nun determinadu altura foi deportadu di Merka. Na Cabo Verde txeu ka encontra nen amigo nen familia y sociedade ta trataz ku un certu desprezu pamodi es ta odjadu sima alguén ki desperdisa chance di midjora vida nun paiz di oportunidade. Es ta identificadu ku “thugs” , ku delinquentes y poku empregadores ta kré daz trabadju nun terra undi desempregu ta atingi un tersu di juventude. Txeu di es jovens deportados di fato ka ta rezisti a tentason di entra na gangs y na mundo di crime como forma di adapta y di sobrevivi nes contexto di desemprego, pobreza y marginalidade.
EH UN DRAMA...
Na Brava por exemplu bu ta odjaz na centro di Nova Sintra sen nada fazi nun cidade ki nen un cinema ka ten pa passa tempu. Maioria ka ten trabadju fixo, es ta sobrevivi di “expediente” ou di algun dinheru ki familiares ta manda di Merka. Es rapazes , maioria na ses caza 20, ta inspira di facto un certu medo na populason. Frustadus, aborrecidos, txeu ku prublema di alcool ou di droga, cada un ta konta un sotoria, storia di injustica ou di abuzu tanti fizico como psicologico ( Foto eh di un hoven deportadu na Djabraba)
Na Fogo eh mesmu cuza, bu ta odja es jovens ta vaguia pa bares di S.Filipe sen speransa na dia di manhan. Dja es ka sta mutu acredita na prumesas di governo ou di organizasons humanitarias ki es ta fla ma eh bon na discursu mas fraku na kumpri .
VITIMAS Y CULPADU...
Es jovens podi ser kulpadu di crimes ki es kumeti na Merka, mas es eh tambe vitimas di sistema.
Es eh vitima di sistema merkanu di imigrason ki ta deporta indiscriminadamente sen chance di reabilitason , es eh vitima també di un sistema social y familiar direcionadu mas pa “ten” di ki pa “ser” . Maioria di es jovens txiga ku familia a-partir di anos 80, familias ku poku educason escolar ki koncentra na cidade violentus moda Dorchester, Brockton ou Providence. Na corrida pa dinheru ( dola) txeu poi educason di fidju na segundo lugar y es squeci talvez di kel kuza ki era + importante : consigui cidadania pa ses fidju.
fonte:ondakriolu
COMMENTS