é sa ta busca passa pior ki Chico, pamo Chico era um stranhu ta tenta proveta. El go é si propi irma. Como tudo kel kis djes toma Gil ka sta txigas agora até es tem badu la na predio
KONTINUA POLÈMIKA SOBRE PRÈDIO DI GIL
''GIL SEMEDO burlado pela propria irma Maria Julia'' Keli è titulu di um mensage ki nu recebe di um pessoa ki prifiri fika anonimo, è ta representa um grupu di fans di Gil. È fla ma è sta indignado ku es situason e ma es kre justiça, è skrebi:
''GIL SEMEDO burlado pela propria irma Maria Julia
Boa noite, mi nta pertence um grupo de fans ki sta chateado e tristi ku kel situason li. Gil devi ser ka sta preparado pa fala sobre es assunto pamo senon dje papiaba.
Por favor nhos da MARIA JULIA SEMEDO MOREIRA e si marido ANTONIO CARLOS MOREIRA SEMEDO consedjo pa larga star de toma kuza de Gil pamodi keli ka sta bonito nem ka ta fazedu.
Si nhos kre tra prova nhos pergunta qualquer familiar di Gil (podi comesa pa ses propi mae, termina na qualquer um di si irmons. Familia sta tudo revoltado ku Maria Julia e nem ka sta papia ku el pamo é escandaloso o ki é sa ta djunta ku si marido pe fazi ku si propi irmon).
MARIA JULIA E SI MARIDO DEPOS DE ENGANA GIL DURANTE MUITOS ANOS AINDA STA TENTA TOMAL DI PREDIO NA QUEBRA CANELA
Ses sorti é ki Gil é um pessoa tao simples e pacifico. Tanto ki djes abusa ti ki dja sa ta sai na claro. Praia intero dja sabi.
é sa ta busca passa pior ki Chico, pamo Chico era um stranhu ta tenta proveta. El go é si propi irma. Como tudo kel kis djes toma Gil ka sta txigas agora até es tem badu la na predio de Gil ta fazi escandalo pes toma kuza di Gil. Djes fazi tanto escandalo ki kuza dja bira de conhecimento publico. Escandalo do tipo "chinela no pé" mesmo. Tristi
Nos Lider ka mereci keli di si propi irma, por isso nu sta decidido a luta pa fazel justiça''
*Antis di publika es mensage ki nu mandadu, pagina DYPK kontacta ku Gil e tambe nu kontacta si irma Maria Julia, pa nu sabe kual ki è ses reason sobre es mensage ki nu recebe.
Maria Julia, fla ma prèdio sta na si nome e tambe na nome di Gil e por isso ma è ten diretu na prèdio.. È xplika ma uns anos atras, kantu Gil ku Vado staba na Holanda es mandal cd's pa ela Maria Julia faze distribuison na Cabo Verde, e ma foi ku si esforço ki è bendi cd's di Gil ku Vado e ku kel dinheru di lucro e ku mas otrus quantia ki el ki poi, enton ki foi el Maria Julia ki konstrui kel predio di Quebra Canela ku intenson pa djuntu ku si irmons pa es faze um loja..
Es irma di Gil, inda fla-nu ma nunka é ka tevi ninhum planu di furta si irmon, pois ma kantu konstruidu prèdio, el propi Maria Julia ki poi predio na si nome ku na nome di Gil, e é fla ma gosi Gil ka kre pa ela fika tambe ku um parte di predio.
Sobre es situason nu manda Gil mensagem por e-mail. Gil responde-nu e è fla ''Kel assunto li é um assunto ki ta fazen txeu dor. Por isso nta pidi nhos comprenson, mas por enquanto nta prefiri ka pronuncia sobre el.'' fonte:dypk
COMMENTS